Ermənistan Belarusla bütün diplomatik münasibətləri kəsməyi müzakirə edir.
İnterpress.az xəbər verir ki, bu barədə “Hraparak” yazıb.
Nikol Paşinyanın ictimai televiziyaya verdiyi müsahibədən bir gün sonra Belarus prezidenti Aleksandr Lukaşenko yüksək səslə bəyanatla çıxış edib
Lukaşenko mətbuat konfransında Putinlə Paşinyanın Qarabağın Azərbaycanın bir hissəsi olması ilə bağlı bəyanatına necə reaksiya verdiyindən danışıb və Paşinyanın Ermənistanı məhv edəcəyini bəyan edib.
“Qulaq asın, biz Putinlə dəli olduq. Putin deyir: “Paşinyan niyə belə dedi? Heç kim onu danışmağa məcbur etməyib”, – o deyib.
Lukaşenkonun Bakıda Belarusun Azərbaycanın qələbəsinə inanması və onu dəstəkləməsi ilə bağlı bəyanatına görə, təxminən altı aydır ki, Ermənistandan bir nəfər də olsun rəsmi şəxs Belarusa səfər etməyib.
Hakimiyyətdəki mənbənin sözlərinə görə, hazırda Ermənistan-Belarus diplomatik əlaqələrinin kəsilməsi məsələsi müzakirə olunur. Digər tərəfdən, onlar başa düşürlər ki, Lukaşenko Putinin xəbəri olmadan belə bir şey deməzdi.
Yeri gəlmişkən, şayiələr var ki, Paşinyanın Putinlə son telefon danışığı çox sərt olub.
Paşinyan özünü doğrultmağa çalışıb ki, Avropa İttifaqına üzvlük Rusiya ilə münasibətlərdən əl çəkmək demək deyil. Lakin Putin çox quru şəkildə ona bu addımın Ermənistana yaxşı heç nə gətirməyəcəyini bildirib.
Ona görə də ola bilsin ki, Paşinyan Lukaşenkoya qarşı konkret addımlar atmasın, bir neçə səs-küylü bəyanatla kifayətlənsin.
Xuraman Etibarlı
İnterpress.az
