Bakı, 29 yanvar, AZƏRTAC
İndoneziyanın Şimali Kalimantan əyaləti yaxınlığında içərisində 16 nəfərin olduğu qayıq batıb. Hadisə nəticəsində dörd nəfər ölüb, dörd nəfər isə itkin düşüb.
AZƏRTAC xəbər verir ki, bu barədə İndoneziyanın xəbər agentliyi olan ANTARA məlumat yayıb. Bildirilib ki, səkkiz nəfər təhlükəsiz şəkildə təxliyə olunaraq yaxınlıqdakı xəstəxanaya çatdırılıb.
Axtarış-xilasetmə idarəsinin, yerli təbii fəlakətlərin qarşısının alınması və nəticələrinin aradan qaldırılması idarəsinin əməkdaşları və könüllülərin iştirakı ilə itkin düşən sərnişinlərin axtarış-xilasetmə əməliyyatı davam edir.
Hadisə ilə bağlı araşdırmalara başlanılıb.
