Malayziyanın baş naziri Ənvər İbrahim Qəzzanın yenidən qurulmasına dəstək üçün ilkin olaraq məktəblər, xəstəxanalar və məscidlər tikəcəklərini açıqlayıb."Malay Mail"in məlumatına görə, Enver sözügedən dəstəyin dövlət və özəl sektor arasında əməkdaşlıq yolu ilə təmin ediləcəyini qeyd edib.Ənver video müraciətində "Bu, səylərimizin, icmaların və xalqın fədakarlığının bir hissəsidir. Allah bizi qorusun, Qəzza və Fələstinin təhlükəsizliyinə zəmanət versin" deyib.Qəzzada yenidənqurma işlərinin ilk mərhələsində məktəb, xəstəxana və məscid tikəcəklərini vurğulayan Ənvər gələcəkdə Yaponiya ilə əməkdaşlıq edəcəklərini və Yaponiyanı Qəzzanın yenidən qurulmasına diqqət yetirən Fələstinin İnkişaf üçün Şərqi Asiya Ölkələri Arasında Əməkdaşlıq Konfransına (CEAPAD) həmsədrlik etməyə dəvət etdiyini söyləyib.İsrailin hücumları nəticəsində Qəzzanın demək olar ki, tamamilə dağıdıldığına diqqət çəkən Ənvər, bölgədəki yenidənqurma xərclərinin təxminən bir trilyon dollara çata biləcəyini də qeyd edib.
