Pakistanda mayeləşdirilmiş qaz (LPG) daşıyan yük avtomobili partlayıb.
“Bakuinfo” yerli mediaya istinadən xəbər verir ki, hadisə Pəncab əyalətində qeydə alınıb. Partlayış nəticəsində 1 nəfər ölüb, daha 4 nəfər yaralanıb.
Əraziyə yanğınsöndürənlər və təcili yardım maşınları göndərilib. Partlayışın baş verdiyi magistral yol hər iki istiqamətdə bağlanıb.
Hadisəyə qaz sızması səbəb olub. Bu, son iki gündə ölkədə qeydə alınan ikinci belə hadisədir.
