Ukraynaya yardım üçün əlavə vəsaitin ayrılması məsələsində partiyalar arasında yaranan fikir ayrılıqları yanvarın 30-na keçən gecə Almaniya Bundestaqının sessiyasının vaxtından əvvəl dayandırılmasına səbəb olub.
Herbiand.az “Alman dalğası”na istinadən xəbər verir ki, Azad Demokrat Partiyasının büdcədənkənar xərclərə 3 milyard avroya qədər ayrılması təklifi ətrafında müzakirələr saat 00:30 radələrində parlamentin kvorumunu itirməsi ilə başa çatıb: FDP təklifi ilə bağlı səsvermədə yalnız 320 deputat iştirak edib. kvoruma nail olmaq üçün parlamentin 733 üzvünün yarısından çoxunun iştirak etməsi lazımdır.
Sonda “Alyans-90” blokundan Bundestaq sədr müavini Katrin Görinq-Eckardt (Yaşıllar Partiyası) karbon qazı emissiyalarının qiyməti ilə bağlı planlaşdırılmış müzakirənin gündəmdə qalmasına baxmayaraq, plenar iclası vaxtından əvvəl bağlamaq qərarına gəlib.
