“Amerika rezindən deyil, bu ölkə artıq hər il milyonlarla köçkünü qəbul etmək iqtidarında deyil. ” – bu fikirləri Vətəninfo.az-a açıqlamasında politoloq Elxan Şahinoğlu bildirib.
Politoloq hesab edir ki, Tramp qaçqınları deportasiya etmək istəyir, burası anlaşılandır.
“Ancaq axı Trampın babası da vaxtilə başqa ölkədən, konkret desək Almaniyadan Amerikaya köçüb, atası uğurlu biznes qurub və oğlu bundan faydalanıb. Arxivləri axtarsalar, böyük ehtimalla Amerikaya Almaniyadan köçən babasının da sənədləri qaydasında olmayıb. Buna baxmayaraq, Tramp bəyan edir ki, qayıdın evinizə. Mürəkkəb vəziyyətdir, heç olmazsa miqrantların Amerikada doğulan övladlarına avtomatik vətəndaşlıq verilirdi, Ağ Evin yeni sahibi ondan da məhrum etmək istəyir. ABŞ-ın keçmiş Prezidenti Ronald Reyqan haqlı olaraq deyirdi ki, Siz Fransaya köçsəz, fransalı olmursuz, Almaniyaya köçsəz alman olmursuz, ancaq Amerikaya köçəndə amerikalı olursuz. Amerika miqrantlar ölkəsi olsa da, indi miqrantlara qapını göstərir.”- deyə politoloq qeyd edib.
