“Qarabağ” UEFA Avropa Liqasının əsas mərhələsində sonuncu oyununa çıxıb.
Msport.az xəbər verir ki, Azərbaycan çempionu VIII tur matçında Yunanıstanın “Olimpiakos” kollektivinin qonağı olub.
Pireydəki “Georgios Karaiskakis” stadionunda keçirilən görüş ev sahibinin 3:0 hesablı qələbəsi ilə yekunlaşıb.
Qolları El Kaabi (2 qol) və Julian Byankon vurublar.
Qarşılaşmanı rumıniyalı FIFA referisi Radu Petresku idarə edib.
Aktivində 3 xalı olan “Qarabağ” turnirin əsas mərhələsini sonuncu – 36-cı pillədə başa vurub.
Yunanıstan təmsilçisi isə 15 xalla 7-ci olub və birbaşa 1/8 finala vəsiqə qazanıb.
