Bakı, 23 dekabr, AZƏRTAC
Mozambikdə "Çido" qasırğası nəticəsində ölənlərin sayı 94-ə çatıb.
AZƏRTAC Sinxua agentliyinə istinadla xəbər verir ki, təbii fəlakət nəticəsində daha 768 nəfər yaralanıb.
Qasırğa Kabo Delqado, Nampula və Niassa əyalətlərində geniş dağıntılara səbəb olub.123 mindən çox ailə zərər çəkib, 140 min ev qismən və ya tamamilə dağılıb.
Bildirilib ki, 250 məktəb, 89 ictimai bina və 52 səhiyyə müəssisəsinə ziyan dəyib. Bundan əlavə, geniş kənd təsərrüfatı sahələri su altında qalıb.
