İranda edam hökmlərinin artmasının ardınca, son iki gündə daha 9 məhbus dar ağacından asılıb.
Bu barədə insan haqları təşkilatları məlumat yayıb.
Məlumata görə, Sari, Şiraz, İsfahan, Kirmanşah, Bircənd və Urmiya həbsxanalarında edam edilən 9 məhkumdan yalnız 1-i barədə rəsmi açıqlama verilib.
İnsan haqları təşkilatları məhkumların narkotik maddələrin alveri və adam öldürməkdə günahlandırıldıqlarını bildiriblər.
Qeyd edək ki, beynəlxalq təşkilatların etirazlarına baxmayaraq, noyabrın 21-dən dekabrın 21-ə kimi İran həbsxanalarında 132 məhbus edam hökmü həyata keçirilib.
İran 2024-cü ildə də, əvvəlki illərdə olduğu kimi edam sayına görə dünyada birinci yeri tutub.
visiontv.az
