Səfir Morqulov: Rusiya Çin lideri Si Tsinpinin 2025-ci ildə Moskvaya səfərini gözləyir...
Rusiya 2025-ci ildə Çin prezidenti Si Tsinpinin Moskvaya rəsmi səfərini gözləyir.
Poliqon xəbər verir ki, bu barədə “RİA Novosti” Agentliyinə Rusiyanın Çindəki səfiri İqor Morqulov məlumat verib.
“Konkret ikitərəfli tədbirlərə gəlincə, deyə bilərəm ki, artıq müvafiq planlar fəal şəkildə hazırlanır, deyə səfir vurğulayıb.
Morqulov onu da bildirib ki, Rusiyaya səfərindən sonra Çində hökumət başçılarının 30-cu növbəti iclası və parlamentlərarası komissiyanın 11-ci iclası keçiriləcək.
Bu yaxınlarda Si Tsinpin bildirib ki, Çin və Rusiya arasında diplomatik əlaqələrin qurulmasından keçən 75 il ərzində münasibətlər böyük qonşu dövlətlər arasında uğurlu əməkdaşlığın nümunəsinə çevrilib. Çin lideri əmin olduğunu qeyd edib ki, Moskva və Pekin siyasi qarşılıqlı fəaliyyəti dərinləşdirməyə və bütün sahələrdə əməli əməkdaşlığı genişləndirməyə davam edəcəklər.
Poliqon.info
