Azərbaycan Silahlı Qüvvələrinin əsgəri olan Namiq Natiq oğlu Quliyev 1994-cü il dekabrın 29-da Bakı şəhərində anadan olub.
QHT.az xəbər verir ki, 2012-2016-cı illərdə M.V.Lomonosov adına Moskva Dövlət Universitetinin "Tətbiqi Riyaziyyat" fakültəsində "Kompyuter elmləri" ixtisası üzrə ali təhsil alıb. 2016-2017-ci illərdə müddətli həqiqi hərbi xidmətdə olub. O, 2020-ci ilin 27 sentyabrında başlanan Vətən müharibəsi zamanı Cəbrayıl, Füzuli və Xocavəndin azadlığı uğrunda gedən döyüşlərdə savaşıb və 8 noyabr tarixində Xocavənd istiqamətində döyüş tapşırığını yerinə yetirərkən qəhrəmancasına şəhid olub.
Namiq Quliyev göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda" və Xocavəndin azad olunmasına görə" medalları ilə təltif edilib.
Ruhu şad olsun!
