"Atletiko"nun idman direktoru Andrea Berta klubdan ayrılıb.
QOL.az xəbər verir ki, bu barədə Madrid təmsilçisinin saytı məlumat yayıb. Mütəxəssis "Atletiko" ilə müqaviləsinə qarşılıqlı razılıq əsasında xitam verib.
Qeyd edək ki, Berta 2013-cü ildən "Atletiko"da işləyirdi. O, əvvəlcə beynəlxalq skautinq departamentinə daxil olub, daha sonra klubun texniki direktoru vəzifəsini tutub. 2017-ci ildə Andrea Xose Luis Peres Kamineronu əvəzləyərək idman direktoru olmuşdu.
