Müxtəlif qalmaqallara, münaqişələrə və ya qeyri-münasib davranışlara qarışaraq ən məşhur və hörmətli aktyorların belə karyerasına son qoya bilər.
Hafta.az aşağıda müxtəlif səbəblərdən Hollivudun “qara siyahısı”na düşən sənətçilər haqqında məlumat verir:
Vanessa Markes
1990-cı illərdə Vanessa Markes məşhur "Təcili yardım" serialında tibb bacısı Vendi Qoldman rolunu oynayıb. Onun sözlərinə görə, aktyor Corc Kluni bu serialın çəkilişləri zamanı baş verən hücumlar barədə açıq danışdıqdan sonra Hollivuddakı karyerasının məhvinə səbəb olub. Bununla belə, Kluni bu iddiaları qəti şəkildə rədd edib: “Mən bu layihədə sadəcə aktyorlardan biri idim. Onun karyerasına mənfi təsir etdiyim barədə deyilənlərin hamısı yalandır. Mən sənayedə o qədər də böyük təsiri olan insan deyiləm və bunu heç vaxt etməmişəm".
Serialdakı rolu bitdikdən sonra Vanessa yalnız kiçik layihələrə dəvət edilib. 2018-ci ilin avqustunda o, öz evində bir polis məmuru tərəfindən təsadüfən vurulduqdan sonra faciəvi şəkildə ölüb.
Mel Gibson
2006-cı ildə sərxoş vəziyyətdə avtomobil idarə etdiyinə görə həbs olunan Mel Gibsonun reputasiyası onun antisemit ifadələri ilə ləkələnmişdi. Bu hadisədən sonra o, Hollivudda persona non qrata oldu.
2006-2010-cu illərdə Gibson yalnız bir filmdə rol aldı. 2010-cu ildə o, keçmiş ortağı Oksana Qriqoryevanı hədələdiyi üçün növbəti mübahisənin mərkəzində olub. Buna görə istedadlara dəstək agentliyi Uilyam Morris Endeavour Entertainment onunla müqaviləni ləğv etdi. Bu hadisə onun kino sənayesindəki imkanlarını kəskin şəkildə azaldıb.
Lakin son illər Gibson karyerasını bərpa edə bilib. Onun "Vicdan" rejissor işi tənqidçilər tərəfindən yüksək qiymətləndirilib və altı Oskar nominasiyası qazanıb. Bu nailiyyət onun Hollivuddakı reputasiyasını bərpa etmək yolunda mühüm addım idi.
Mira Sorvino
Mira Sorvino Hollivudun qara siyahısına düşən ulduzlardan biridir. Buna səbəb onun kino prodüseri Harvi Vaynşteyn tərəfindən cinsi təcavüzə məruz qaldığını və bunun əleyhinə olduğunu deməsidir. Aktrisa jurnalist Ronan Farrou ilə müsahibəsində Vaynşteyni dəfələrlə rədd etdiyini və onun davranışı ilə bağlı digər həmkarlarını məlumatlandırdığını bildirib. Bu hadisə, təəssüf ki, onun karyerasına mənfi təsir göstərdi.
2017-ci ildə rejissor Piter Cekson Vaynşteynin Sorvinonu gözdən salmağa çalışdığını təsdiqləyib. O, Ceksonu aktrisa ilə işləməməyə inandırdı və Sorvinonun karyerası tənəzzülə uğradı.
Çarli Şin
Çarli Şin bir vaxtlar Hollivudun ən məşhur ulduzlarından idi, lakin 2014-cü ildən sonra karyerası ciddi çətinliklərlə üzləşdi. Anger Management layihəsi üzərində işlədikdən sonra yeni iş tapmaq onun üçün çətinləşdi. Aktyor hətta məhkəməyə müraciət edərək keçmiş arvadlarına verilən alimentin məbləğinin azaldılmasını istəyib. Çünki bir çox əyləncə sahələrində qapılar aktyorun üzünə bağlı idi.
Eşli Cudd
Vaynşteynin əxlaqsız davranışından əziyyət çəkən aktrisalardan biri də Eşli Cudddur. Piter Cekson bildirib ki, Vaynşteyn onu “çox mürəkkəb və şıltaq aktrisa” kimi təsvir edib və digər rejissorlara Cuddla işləməyin çətin olduğunu deyib. Bu səbəbdən aktrisaya “Üzüklərin rəbbi” trilogiyasında heç bir rol verilməyib. 2018-ci ildə Cudd Vaynsteyni böhtana görə məhkəməyə verdi.
Rouz Makqouan
"Sehrli" serialındakı rolu ilə tanınan Rouz Makqouan da Vaynşteynin təzyiqi ilə qara siyahıya düşdüyünü deyir. Aktrisanın sözlərinə görə, Vaynşteyn 1990-cı illərdə ona cinsi təcavüz edib. Lakin onlar razılığa gəliblər: aktrisa məhkəmə şikayətini geri çəkməsi müqabilində 100 min dollar təzminat alıb. Lakin bu hadisə onun karyerasına ciddi təsir edib.
Rejissor Robert Rodriges Rouzu Hollivuda qaytarmağa çalışsa da, cəhdləri uğursuz alınıb.
Ketrin Heygl
Ketrin Heyql bir vaxtlar məşhur aktrisa idi, lakin indi onun karyerası qeyri-qənaətbəxş vəziyyətdədir. Buna onun çəkiliş meydançasındakı davranışının səbəb olduğu barədə müxtəlif söz-söhbətlər var. Bəzi aktyorlar tələblərin çox olması səbəbindən bir çox layihələrdə iştirak etmədiklərini iddia edirlər.
