Xəbər verdiyimiz kimi Vətən müharibəsi şəhidinin anası Sevinc Abdullayeva oğul övladı dünyaya gətirib. Bu hadisə, şəhidin ailəsi və yaxınları üçün həm təsəlli, həm də gələcəyə ümid mənbəyi olub.
Bu gün isə sosial mediada şəhidin qardaşının dünyaya gəlişinin ailə arasında qeyd olunması videosu yayılıb.
Musavat.com həmin görüntüləri təqdim edir.
Yusif Ələsgərovun qısa həyat hekayəsi
1996-cı il təvəllüdlü Yusif Ələsgərov 2020-ci il sentyabrın 27-də başlayan Vətən müharibəsində Azərbaycan torpaqlarının azadlığı uğrunda canından keçmiş qəhrəmanlarımızdan biridir. O, Füzuli, Xocavənd, Cəbrayıl və Qubadlının azadlığı uğrunda gedən döyüşlərdə tankçı kimi iştirak edib.
Oktyabrın 24-də Qubadlı döyüşlərində ağır yaralanmasına baxmayaraq, müalicəsi tam bitmədən yenidən döyüş bölgəsinə qayıdıb. Yusif Ələsgərov 7 noyabr 2020-ci ildə Xocavənd rayonu istiqamətində gedən döyüşlərdə şəhid olub və doğuduğu Tovuz rayonunun Yuxarı Öysüzlü kəndində torpağa tapşırılıb.
O, ölümündən sonra “Vətən uğrunda” və “Şuşanın azad olunmasına görə” medalları ilə təltif edilib.
