Niderland millisinin və “Barselona”nın sabiq futbolçusu Patrik Klüyvertin yeni iş yeri müəyyənləşib.
QOL.az xəbər verir ki, 49 yaşlı mütəxəssis İndoneziya millisinə baş məşqçilik edəcək. Bu barədə insayder Fabrizio Romano məlumat yayıb
İndoneziya Futbol Federasiyası Klüyvertlə 2+2 illik müqavilə imzalayacaq. Xəbərdə qeyd olunub ki, yanvarın 12-də mütəxəssisin rəsmi təqdimat mərasimi keçiriləcək.
Xatırladaq ki, Kllüyvertin son iş yeri Türkiyənin “Adana Demirspor” klubu olub. O, futbolçu karyerası ərzində isə "Ayaks", "Milan", "Barselona", "Nyukasl", "Valensiya", PSV və "Lill"də çıxış edib.
