Hər Yeni il günlərində telekanallarda yayımlanan “Evdə tək” filminə baxmayan yoxdur.
Hafta.az-ın yazdığına görə, xüsusilə qışda bu əfsanəvi komediyanı yenidən izləmık üçün çoxlu səbəblər var. Hansı səbəblər? Gəlin onlardan bəzilərini oxucularla bölüşək:
“Bak dayı” filmi olmasaydı, “Evdə tək” çəkilməzdi
Amerikalı rejissor Con Hyuz “Evdə tək” filminin ssenari ideyasını “Bak dayı” filminin çəkilişləri zamanı ortaya atıb. Bu filmdə Makolay Kalkin də rol alıb. Səhnələrin birində o, qapıdakı poçt qutusundan evə gələn dayəni sorğu-sual edir. “Evdə tək” filmində də oxşar epizod var, burada Kevin kiçik ev heyvanlarının qapısından quldurlara bəzi davranışlar göstərir.
Kevin obrazı Makolay Kalkin üçün yaradılıb
Con Hyuz baş rol üçün dərhal Kalkini seçdi. Amma Kris Kolumb bu rol üçün yüzdən çox gənc aktyoru sınaqdan keçirib. Nəhayət, Kalkin hələ də ən yaxşı seçim olduğunu isbatladı və film uzunmüddətli kassa rekordlarına çatdı.
“Evdə tək” Ginnesin Rekordlar Kitabına düşüb
Film ilk həftəsonunda 17 milyon dollardan çox gəlir əldə etdi və 12 həftə kassada ən yüksək pillədə yerini qorudu. Bu göstərici 1990-cı ildə çəkilmiş filmlər arasında rekord idi. Bu səbəbdən komediya ilin ən çox gəlir gətirən layihəsi oldu. Həmçinin, "Evdə tək" 27 ildir ki, komediyalar arasında ən çox gəlir gətirən layihədir.
Polşada "Evdə tək"ə çox baxırlar
Polşada “Evdə tək” filmi hər il Milad və Yeni il bayramlarında milli televiziyada nümayiş olunur. 2011-ci ildə bu filmə 5 milyondan çox insan baxıb.
Ağac evi müvəqqəti bəzək idi
MakKallister evi hələ də real həyatda mövcuddur və 2024-cü ilin sonunda satışa çıxarılıb. İndi də bu ev turistləri cəlb edən yerlərdən biridir. Amma həyətdəki ağac üzərində taxta ev xüsusi olaraq film üçün tikilib və sonradan sökülüb.
Robert De Niro Harri Laym rolundan imtina edib
Con Lovitz və Robert De Niro kimi aktyorlar oğru Harri roluna namizəd göstərilsə də, onlar bu təklifdən imtina ediblər və Coy Peski tərəfindən canlandırılan bu obraz heyranedici şəkildə təcəssüm olunur.
Filmdəki tarantula hörümçəyi real olub
Kevin Marvın üzünə zəhərli tropik hörümçək - tarantula qoyduğu səhnədə əsl həşəratdan istifadə edilib. Aktyor Daniel Stern bu epizodun yalnız bir dəfə çəkilişi şərti ilə razılaşıb. Bu səhnədə qəhrəman səsini çıxarmadan qışqırmalı idi, çünki yüksək səs hörümçəyi qorxuda bilərdi ki, o nəticədə aktyoru dişləyərdi. Marvinin qışqıran səsi daha sonra lentə alınıb.
Kevinin bacısı həyatda cüdo üzrə çempiondur
Hillari Vulf 1994-cü ildə gənclər arasında cüdo üzrə dünya çempionu olub və ABŞ Olimpiya komandasında yarışıb. "Evdə tək 2" filmindən sonra o, filmlərdəki karyerasını dayandırdı.
Kevinin televizorda baxdığı film saxta idi
Kevinin baxdığı qanqster filmi sırf “Evdə tək” üçün çəkilib və real həyatda yoxdur.
Filmdə süni qardan istifadə edilib
Çəkiliş zamanı yaranan saxta qar Çikaqo Opera Evinə bağışlanıb və sonradan başqa filmlərdə də istifadə olunub.
