Bakı, 7 yanvar, AZƏRTAC
Çin orbitə yanacaq doldurmaq üçün sınaq peyki buraxıb.
AZƏRTAC “China Daily” qəzetinə istinadla xəbər verir ki, Çin "Long March-3B" raketindən istifadə edərək sınaq peyki olan “Shijian-25”i orbitə yerli vaxtla səhər saat 4:00-da göndərib.
“Shijian 25”in tərtibatçısı olan Şanxay Kosmik Uçuş Texnologiyaları Akademiyasının məlumatına görə, peyk yanacağın doldurulması və xidmət müddətini uzatmaq texnologiyalarının yoxlanılması üçün istifadə olunur.
