Çinin ən titullu futbol klubu “Quançjou Everqrand” peşəkar statusundan məhrum edilib.
Medianews.az “Lenta.ru”ya istinadən xəbər verir ki, bu barədə Sinxua agentliyi məlumat yayıb.
Çin Futbol Assosiasiyası “Quançjou Everqrand”a 2025-ci ildə ölkə çempionatının ikinci divizionunda mübarizə aparmaq üçün lisenziya verməkdən imtina edib.
Səbəb isə klubun dolanışığını itirməsinə səbəb olan yığılan borclar olub.
“Quançjou Everqrand” 8 dəfə Çin çempionatının qalibi olub. Klub 2011-ci ildən 2017-ci ilə qədər ardıcıl yeddi mövsüm titul qazanıb və 2019-cu ildə də çempion olub. Komanda 2022-ci ildə yüksək divizionu tərk edib.
Bundan əlavə, “Quançjou” 2 dəfə – 2013 və 2015-ci illərdə Asiya Futbol Konfederasiyasının Çempionlar Liqasının qalibi olub. 2016-cı ildə Çin klubu dünyanın ən bahalı klubu kimi tanınıb.
