Amerikanın "Meta” korporasiyası sosial şəbəkələrində həddən artıq senzuraya görə fakt yoxlaması xidmətlərindən istifadəni dayandıracaq.
Bu barədə şirkətin təsisçisi Mark Zukerberq "X” sosial şəbəkəsindəki səhifəsində videomüraciətində bildirib.
"Biz fakt yoxlayıcılarından xilas olacağıq və onları "X”ə bənzər icma təlimatları ilə əvəz edəcəyik”, - o qeyd edib.
Zukerberq əlavə edib ki, korporasiya əvvəllər Amerika internet məkanında "daha çox senzura” istəyən hakimiyyət orqanlarının və medianın tələblərinə cavab verməyə çalışıb.
