Bu gün "Zirə" "Şamaxı" ilə qarşılaşacaq

Qış təlim-məşq toplanışlarını davam etdirən "Şamaxı" və "Zirə" bu gün yoxlama matçında qüvvələrini sınayacaqlar.

"Football-plus.az" xəbər verir ki, bölgə təmsilçisi paytaxt komandası ilə Zirə Olimpiya İdman Kompleksinin stadionunda qarşılaşacaq. Görüş saat 16.00-da başlayacaq.

Hazırda Misli Premyer Liqasının turnir cədvəlində "Zirə" 30 xalla 4-cü, "Şamaxı" isə 17 xalla 7-cidi. Qeyd edək ki, "Zirə" yanvarın 12-də "Qarabağ"la da yoxlama oyunu keçirəcək. “Şamaxı” isə eyni gündə "Sabah"la üz-üzə gələcək.