Milli Məclisin deputatı, Asiya Parlament Assambleyasında (APA) nümayəndə heyətinin rəhbəri Rizvan Nəbiyev təşkilatın Siyasi məsələlər üzrə daimi komitəsinin iclasında iştirak etmək üçün yanvarın 10-da İraq Respublikasının Bağdad şəhərinə səfər edəcək.
"Operativ Media" xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsi məlumat verib.
İclasda məhkəmə hakimiyyətinin gücləndirilməsi və qanunun aliliyi, dostluq və əməkdaşlıq vasitəsilə Asiyada tərəqqinin təmin edilməsi, demokratiya yolu ilə harmonik inkişaf və digər məsələlərə həsr olunmuş qətnamə layihələri müzakirə olunacaq, bəzi təşkilati məsələlərə baxılacaq.
Qeyd olunub ki, səfər yanvarın 13-də başa çatacaq.
