Yanvarın 9-da Ali Rada çərkəz xalqının soyqırımını tanıyan qətnamə qəbul edib. Sənədi 232 deputat dəstəkləyib. Bu barədə Ukrayna parlamentinin mətbuat xidməti məlumat yayıb.
Rusiya-Qafqaz Müharibəsi (1763-1864) zamanı Rusiya İmperiyası çərkəzləri etnik təmizləmə, kütləvi qırğınlar və məcburi köçürmələr həyata keçirib, nəticədə əhalinin 90%-dən çoxu həlak olub və ya qovulub.
Sənədin əsas müddəaları:
çərkəzlərin kütləvi şəkildə məhv edilməsinin və qovulmasının rəsmi tanınması;
qurbanların xatirəsini yad etmək və çərkəz xalqı ilə həmrəylik ifadə etmək;
Rusiya imperiyasının hərəkətlərini pisləmək və bu cinayətləri soyqırım kimi tanımaq üçün beynəlxalq ictimaiyyətə müraciət;
repatriasiya və öz müqəddəratını təyinetmə hüququnun verilməsi;
tarixi faktları təhrif edən rus təbliğatının pislənməsi;
çərkəz soyqırımı ilə bağlı təhsil və tədqiqat proqramlarının hazırlanması.
"Ukrayna bu cinayətin qurbanlarının xatirəsini ehtiramla yad edir, imperiyanın müstəmləkəçilik siyasətini pisləyir və beynəlxalq ictimaiyyəti bu soyqırımı tanımağa çağırır", - təşəbbüsün həmmüəlliflərindən biri Aleksey Qonçarenko bildirib.
Deputat Yaroslav Yurçişin vurğulayıb: "Cəzasız pislik qayıdır" və Mariya Mezentseva qərarın müvəqqəti istintaq komissiyasının işinin nəticəsi olduğunu vurğuladı.
Almaz Həsənli
