Plains şəhərində ABŞ-nin 39-cu prezidenti Cimmi Karterin dəfn mərasimi keçirilib.
“Cebheinfo.az” xəbər verir ki, bu barədə “Associated Press” məlumat yayıb.
Cimmi Karter Karter ailəsinin fermasında həyat yoldaşı Rosalinin yanında dəfn edilib. Keçmiş birinci xanım 2023-cü ildə 96 yaşında vəfat edib.
Cümə axşamı səhər Vaşinqton Katedralində anım mərasimi keçirilib və bundan sonra yerli vaxtla saat 15:30-da Karterin tabutu xüsusi reyslə Corciyadakı Fort Mur Hərbi Hava Qüvvələri bazasına aparılıb.
Hərbi orkestrin musiqisi və 21 silahlı salam sədaları altında kortej və cənazə maşını Plains Baptist Kilsəsinə doğru yola düşdü.
Orada yalnız ailə üzvlərinin və az sayda dəvət olunmuş qonaqların iştirak etdiyi qapalı, qısa bir anım mərasimi keçirilib.
Mərasimdən sonra Amerikanın keçmiş liderinin cəsədi olan tabut yenidən cənazə maşınına qoyularaq Karterin malikanəsinə aparılıb.
Kortecin keçdiyi yolda insanlar eks-prezidenti son səfərinə yola salmaq üçün növbəyə düzülüblər.
