Şahdağda xizək alpinizmi üzrə Dünya kubokunun ilk gününün qalibləri müəyyənləşib.
İdman.biz xəbər verir ki, kişilərin sprint yarışında birinci yeri Arno Lieta (İsveçrə) tutub.
İsveçrənin digər təmsilçisi Robin Bussard ikinci, ispaniyalı Martines Ferrer üçüncü olublar.
Qadınların yarışında Emili Harrop (Fransa) hamını qabaqlayıb. Marianne Fatton (İsveçrə) sprinti ikinci, Fransanın digər təmsilçisi Seliya Perilla-Pessi isə üçüncü mövqedə başa vurub.
Qeyd edək ki, 2026 Qış Olimpiya Oyunlarına lisenziya verilən yarışda 26 ölkədən idmançılar çıxış edir.
İdman.biz
