"Nə düşünmüşdüksə, komanda onu yerinə yetirməyə çalışdı".
İdman.biz xəbər verir ki, bunu "Araz-Naxçıvan"ın baş məşqçisi Elmar Baxşıyev "Səbail"lə yoldaşlıq matçından sonra klubun mətbuat xidmətinə açıqlamasında deyib.
Mütəxəssis futbolçulardan razı qaldığını vurğulayıb: "Hər iki oyundan razı qaldıq. Yenə hər hissədə fərqli heyətlə oynadıq və futbolçulara eyni yükləməni verdik. Hansı çatışmazlıqlar olduğunu hər iki matçda gördük. Qarşıdakı məşq proseslərinda optimal formaya yaxınlaşacağıq".
Qeyd edək ki, "Azərsun Arena"da keçirilən "Araz-Naxçıvan" - "Səbail" oyunu Naxçıvan təmsilçisinin 2:1 hesablı qələbəsi ilə başa çatıb.
İdman.biz