Gürcüstanın xarici işlər naziri Maka Boçorişvili Azərbaycana səfər edə bilər.
Bu barədə Gürcüstan mediası məlumat paylaşıb. Bildirilir ki, onun Azərbaycan Respublikasının Gürcüstandakı səfiri Faiq Quliyevlə görüşündə bəzi detallar məlum olub.
Nazir Gürcüstan və Azərbaycan arasında əlaqələrin geniş spektri əhatə edən strateji xarakter daşıdığını vurğulayıb. Qeyd edildiyi kimi, söhbət zamanı ticarət-iqtisadi, nəqliyyat və enerji sahələrində uğurlu əməkdaşlığın nəticələri yüksək qiymətləndirilib.
Regionun sabit və dinc inkişafının təmin edilməsi məsələləri ayrıca müzakirə olunub. Hər iki tərəf strateji tərəfdaşlığı daha da dərinləşdirməyə və ona daha da böyük dinamika verməyə hazır olduqlarını bildiriblər.
