Təcrübəli mütəxəssis Devid Moyes "Everton" klubunun baş məşqçisi olub.
90deqiqe.Az-ın klubun mətbuat xidmətinə istinadən məlumatına görə, 61 yaşlı çalışdırıcı əvvəllər 2002-2013-cü illərdə birlikdə çalışdığı "şirniyyatlar"ın baş məşqçi postuna qayıdıb.
Bu müddət ərzində “Everton” şotlandiyalın;n rəhbərliyi altında bütün yarışlarda 518 oyun keçirib və bunun 221-də qalib gəlib.
Qeyd edək ki, Moyesin son iş yeri şotlandiyalının 2024-cü ilin yayında tərk etdiyi Londonun “Vest Hem” klubu olub. Xatırladaq ki, Şon Dayş mövsümün ilk hissəsində “Everton”la çalışıb. Hazırda Mersisayd klubu İngiltərə çempionatının turnir cədvəlində 16-cı yeri tutur.
