Türkiyənin Şanlıurfa şəhərində AK Partiyanın 8-ci Böyük Konqresi çərçivəsində ölkə Prezidenti Rəcəb Tayyib Ərdoğan əslən bu bölgədən olan məşhur sənətçi İbrahim Tatlısəslə mahnı oxuyub.
Senzor.az yerli KİV-ə istinadən bildirir ki, əvvəlcə sənətçi dillər əzbəri olan “Haydi, söyle” mahnısını Ərdoğana ithaf edib.
Bunun ardınca Tatlısəs Türkiyə liderinə növbəti prezident seçkilərində iştirak edib-etməyəcəyi ilə bağlı sual ünvanlayıb. Ərdoğan bunun cavabında “sən varsansa, varam” deyib. Daha sonra onlar “Urfalıyam ezelden” mahnısını birlikdə ifa ediblər.
Tədbirə xüsusi rəng qatan bu anlar izləyicilərin böyük marağına səbəb olub.
