“Komi Daily” Federal Təhlükəsizlik Xidməti (FTX) tərəfindən terrorist təşkilat kimi tanınmış ilk media qurumu olub.
Publika.az xəbər verir ki, bu barədə Forbes yazıb.
FTX “Komi Daily”ni noyabr ayında Rusiya Ali Məhkəməsi tərəfindən terrorist təşkilat kimi tanınmış “Post-Rusiya Azad Dövlətlər Forumu”nun struktur bölmələrindən biri hesab edir. Ancaq “Komi Daily” forumla əlaqəsini inkar edir.
“Komi Daily”nin saytı “LGBT” (“Beynəlxalq LGBT İctimai Hərəkatı” ekstremist və terrorist təşkilat kimi tanınıb və RF ərazisində qadağan edilib) mövzusunda material dərc etdiyi üçün 2024-cü ilin mart ayından bəri bloklanıb. 2024-cü ilin may ayında nəşrin redaktorları nifrət və ya düşmənçiliyin qızışdırılması və ya insan ləyaqətinin alçaldılması maddəsi ilə cərimələniblər.
2024-cü ilin 22 noyabr tarixində Ali Məhkəmə “Post-Rusiya Azad Dövlətlər Forumu”nu terrorist təşkilat elan edib.
