ABŞ-ın yeni seçilmiş prezidenti Donald Tramp Meta şirkətinin rəhbəri Mark Zukerberqlə görüşüb.
Bakıvaxtı.az xarici KİV-ə istinadən xəbər verir ki, görüş Trampın ABŞ-ın Florida ştatındakı Mar-a-Laqo iqamətgahında baş tutub. Söhbətin təfərrüatları açıqlanmayıb.
Bundan əvvəl Zukerberq fakt-chekinq proqramının başa çatdığını, Facebook və Instagram sosial şəbəkələrində bəyanatlara qoyulan məhdudiyyətlərin aradan qaldırıldığını elan etmişdi. Onun sözlərinə görə, Meta şirkətinin saytlarında “ifadə azadlığını bərpa etməyin” vaxtı çatıb.
