Avropa Liqasının Liqa mərhələsinin 7-ci turu çərçivəsində baş tutacaq “Qarabağ” – “Styaua” (Rumıniya) matçının biletləri satışa çıxarılır.
Arena.az bu barədə Ağdam klubunun mətbuat xidmətinə istinadən xəbər verir.
Xəbərdə bildirilir ki, sözügedən matçın biletləri bu gün, saat 12:00-da satışa çıxarılcaq.
Bakıdakı Tofiq Bəhramov adına Respublika stadionunda keçiriləcək oyunun biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VIP sektorlara biletlərin qiyməti isə 300 manatdır.
Azarkeşlər biletləri “iTicket.az”ın satış məntəqələrindən (iTicket.az-da onlayn satış), “Qarabağ”ın “Park Bulvar”dakı fan-şopundan və Tofiq Bəhramov adına Respublika stadionunun kassalarından əldə edə bilərlər.
Qeyd edək ki, yanvarın 23-də Tofiq Bəhramov adına Respublika stadionunda keçiriləcək “Qarabağ” – “Styaua” matçına saat 21:45-də start veriləcək.
Satış məntəqələri:
iTicket.az-ın satış məntəqələri (iTicket.az-da onlayn satış);
“Qarabağ”ın “Park Bulvar”dakı fan-şopu;
Tofiq Bəhramov adına Respublika stadionunun kassaları.
