Qazaxda avtomobil idarə edən yeniyetmənin videoları “TikTok” sosial platformasında paylaşılıb.
Avtosfer.az-ın məlumatına görə, hadisə bir müddət əvvəl Heydər Əliyev prospektində qeydə alınıb.
Kadrda, azyaşlının 35-BM-012 dövlət nömrə nişanlı “VAZ-2107” markalı maşını sürdüyü aydın şəkildə əks olunub. Digər görüntüdə də, sükan arxasında əyləşən yeniyetmə avtomobili idarə edib və arxa oturacaqdakı sərnişin onu lentə alıb.
Xatırladaq ki, İnzibati Xətalar Məcəlləsinin 335.1 maddəsinə əsasən, nəqliyyat vasitəsinin sahiblik hüququ olan şəxs tərəfindən avtomobili sürmək üçün sürücülük hüququ olmayan şəxsə verilməsinə görə, fiziki şəxslər 60 manat, vəzifəli şəxslər 200 manat, hüquqi şəxslər isə 2 000 manat məbləğində cərimə edilirlər.
Nərmin
