Böyük Britaniyada xəstəxanalarda çarpayı çatışmazlığı yaranıb

E-huquq.az xarici mətbuata istinadən xəbər verir ki, Liberal Demokratlar Partiyasının təhlillərinə əsasən, xəstəxanaya yerləşdirildikdən sonra çarpayı çatışmazlığı səbəbiylə təcili yardım şöbələrində 12 saatdan çox xərəkdə gözləyən xəstələrin sayı 2024-cü ildə 518 minə çatıb.

Bu rəqəm əvvəlki illə müqayisədə 25 faiz artım deməkdir.. 2019-cu ildə 8272 olan bu rəqəm keçən il 23 dəfə artıb.

Liberal Demokratlar Partiyası koridorlarda xəstələrə qulluq praktikasına son qoymaq üçün hökuməti təcili tədbirlər görməyə çağırıb. Xəstəxana çarpayılarının sayının artırılması və səhiyyə sisteminin daha təhlükəsiz səviyyəyə çatdırılmasının vacibliyi vurğulanıb.

"Bu, xəstələrin həyatını riskə atır və tibb işçilərinin iş yükünü artırır", - deyə Partiyanın məlumatında bildirilib.