Futbol üzrə Kolumbiya yığma komandasının hücumameyilli yarımmüdafiəçisi Xames Rodriqes İspaniya klubundan ayrılıb.
Arena.az xəbər verir ki, bu barədə La Liqa təmsilçisinin mətbuat xidməti məlumat yayıb.
33 yaşlı kolumbiyalı futbolçu “Rayo Valyekano”dan azad agent kimi ayrılıb. O, bundan sonrakı karyerasını Meksika təmsilçisi “Leon”da davam etdirəcək. Xames Meksika klubu ilə 2025-ci ilin 31 dekabrına kimi anlaşıb.
Xatırladaq ki, Rodriqes cari mövsümün əvvəlində “Rayo Valyekano”ya keçmişdi. O, bu mövsüm İspaniya klubunun heyətində bütün turnirlərdə cəmi 7 matça çıxıb. O, bu oyunlarda bir məhsuldar ötürmə edib, meydanda ümumilikdə 205 dəqiqə keçirib.
Yarımmüdafiəçi peşəkar karyerasına Kolumbiyanın “Enviqado” klubunda başlayıb. Daha sonra o, Argentinanın “Banfild”, Portuqaliyanın “Portu”, Fransanın “Monako”, İspaniyanın “Real”, Almaniyanın “Bayern”, İngiltərənin “Everton”, Qətərin “Əl Rayyan”, Yunanıstanın “Olimpiakos”, Braziliyanın “San Paulo” klublarında da forma geyinib.
Xames Rodriqes 2011-ci ilin oktyabr ayında debüt etdiyi Kolumbiya yğmasında 112 oyuna çıxıb. O, bu oyunlarda 29 qola imza atıb, 35 məhsuldar ötürmə verib.
“Transfermarkt” internet-portalı 33 yaşlı yarımmüdafiəçinin transfer dəyərini 2,5 milyon avro məbləğində qiymətləndirir.
