Qərbi Afrika ölkələrindən biri olan Sierra Leonedə 2 nəfərdə meymunçiçəyi virusu aşkar edildikdən sonra fövqəladə vəziyyət elan edilib.
AZXEBER.COM xarici mediaya istinadən xəbər verir ki, ölkənin Səhiyyə naziri Oustin Dembi jurnalistlərə açıqlamasında bildirib ki, 2 meymunçiçəyi faktının təsdiqlənməsi İctimai Sağlamlıq Aktına uyğun olaraq təcili tədbirlər görülməsini tələb edir.
Qeyd edək ki, Sierra-Leone hökuməti yanvarın 11-də ölkədə meymunçiçəyi xəstəliyinə ilk yoluxma halının aşkar edildiyini açıqlayıb.
Virusun törətdiyi bədən səpgilərinə toxunmaq, bu səpgilərlə çirklənmiş paltar, çarşaf, dəsmal və bənzər əşyalardan istifadə etmək, bədən mayeləri ilə təmasda olmaq infeksiyanın ən mühüm səbəblərindəndir.
Xəstəlik əksər hallarda xəstəlik yüngül keçir və bir neçə həftə ərzində sağalır.
Mikayıl
