Ukrayna Prezidenti Vladimir Zelenski 2024-cü il ərzində rəsmi aylıq maaşı 28 min qrivna (664 ABŞ dolları və ya 1 128,8 manat) təşkil edib.
Valyuta.az xəbər verir ki, bu məlumatları Ukraynanın 24-cü kanalı Ukraynanın Dövlət İdarəetmə İşləri üzrə İdarəsinə istinadla yayıb.
Məlumata görə, Prezident Aparatının rəhbəri Andrey Yermak isə dövlətdən hər ay 121 min qrivna (2 min 870 ABŞ dolları, yaxud da 4 min879 manat) məbləğində maaş alır. Onun müavinləri İqor Jovkva və İqor Brusilo da oxşar məbləğdə maaş alırlar. Bu Volodimir Zelenskinin əməkhaqqından dörd dəfə çoxdur.
Ukraynanın digər yüksək vəzifəli şəxsləri arasında ən çox maaşı Zelenskinin mətbuat katibi Sergey Nikiforov alır.
Əvəz Həsənov
