İspaniya hökuməti, qeyri-Avropa Birliyi ölkələrindən olan xarici vətəndaşlar üçün daşınmaz əmlak dəyərinin 100%-nə qədər vergi tətbiq etməyi planlaşdırır. Baş nazir Pedro Sançes bu qərarın ölkədə mövcud olan mənzil böhranını həll etmək üçün "misilsiz" bir addım olduğunu bildirib.
“Landmark” niyə 120 milyona satılır? - RƏSMİ AÇIQLAMA
FED.az xəbər verir ki, 2023-cü ildə qeyri-AB vətəndaşları İspaniyada 27,000-dən çox əmlak alıb, lakin bu evlərin əksəriyyəti yaşayış məqsədindən çox gəlir əldə etmək üçün istifadə edilib. Yeni verginin məqsədi, mənzillərin İspaniya sakinləri üçün əlçatanlığını artırmaqdır.
Təklif olunan digər tədbirlər arasında ucuz kirayə təmin edən ev sahibləri üçün vergi güzəştləri, qısa müddətli turist mənzillərinin daha sıx tənzimlənməsi və 3,000-dən çox mənzilin dövlət mənzil fonduna ötürülməsi yer alır. Hökumət bu vergi təklifinin detalları üzərində hələ işləyir.
