1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İngiltərənin "Mançester Siti" futbol klubunun keçmiş müdafiəçisi və baş məşqçisi Toni Buk 91 yaşında vəfat edib.
Oxu.Az xəbər verir ki, bu barədə klubun Mətbuat Xidmətindən bildirilib.
Ölümün səbəbi barədə məlumat verilmir.
Qeyd edək ki, Buk 1966-1974-cü illərdə "Mançester Siti"də çıxış edib, klubda 315 oyun keçirib və 5 qol vurub. Müdafiəçi "Mançester Siti" ilə birlikdə İngiltərə çempionu (1967/68 mövsümü), İngiltərə kubokunun (1968/69) və Superkubokunun (1968, 1972), Liqa Kubokunun (1969/70) qalibi olub. Baş məşqçi kimi o, "Mançester Siti"ni Liqa Kubokunda qələbəyə aparıb (1975/76).
