Rusiya hakimiyyəti dronların beş gündür neft anbarında yanğının davam etdiyi Engels şəhərinə, həmçinin Saratov və Kazana yenidən zərbələr endirdiyini bildirib. Tula, Oryol və Rostov vilayətlərinin qubernatorları da genişmiqyaslı hücum barədə məlumat veriblər.
“Bu gün Saratov və Engels böyük bir dron hücumuna məruz qaldılar. Çoxlu sayda hədəf hava hücumundan müdafiə sistemləri tərəfindən məhv edilib. Hücum nəticəsində Saratov və Engelsdəki iki sənaye müəssisəsinə ziyan dəyib”, - Saratov vilayətinin qubernatoru Roman Busargin bildirib.
Rusiyanın Teleqram kanalları yerli sakinlərə istinadən və yanğının videosunu dərc edərək yazır ki, dronun hədəfi yenə Engelsin cənub hissəsindəki Kristall zavodunun neft bazası olub. Saratovda Saratovnefteprodukt neft emalı zavodunda yanğın baş verib.
Yanvarın 8-də Engesə pilotsuz təyyarənin hücumundan sonra neft bazasında böyük yanğın baş verdi, ancaq yanvarın 13-də bu yanğının qarşısı alındı. Qubernator əvvəlki hesabatlarında təfərrüatlara varmadan bazanı “sənaye müəssisəsi” adlandırıb və media onu Ukraynada hava hücumları üçün istifadə edilən strateji aviasiya aerodromu ilə əlaqələndirib.
Saratov və Engels şəhərlərindəki məktəblərdə dərslər çərşənbə axşamı distant rejimdə keçiriləcək.
Pilotsuz təyyarə hücumuna məruz qalan Kazan şəhərətrafı bölgəsindəkiyanacaqdoldurma obyektində də yanğın baş verib.
“Bu gün səhər saat 05:20-də Kazan ətrafında bir pilotsuz uçuş aparatının hücumu nəticəsində qaz anbarında yanğın baş verib”, - deyə Tatarıstan rəhbərinin mətbuat xidməti məlumat yayıb.
“Veçernyaya Kazan” anonim mənbələrə istinadən xəbər verir ki, pilotsuz təyyarə Kazan maye qaz bazasına zərbə endirib.
Tula vilayətinin rəhbəri Dmitri Milyaev özünün Telegram kanalında pilotsuz təyyarələrin gecə saatlarında genişmiqyaslı hücumu barədə yazıb. Qubernator bildirib ki, Aleksin şəhərində pilotsuz uçan aparat dağıntılarının düşməsindən sonra "bir neçə avtomobilə və yardımçı tikililərə ziyan dəyib", lakin itki yoxdur.
Oryol vilayətinin qubernatoru Andrey Klıçkov 17 Ukrayna pilotsuz təyyarəsinin vurulduğunu açıqlayıb. O, teleqramında yazıb: “Biz dağıntıların və tələfatların qarşısını ala bildik.
Qubernator səlahiyyətlərini icra edən Yuri Slyusar, Rostov vilayətində 14 pilotsuz təyyarənin "elektron müharibə vasitəsi ilə məhv edildiyini", heç bir itki və dağıntı olmadığını söylədi.
Voronej vilayətinin başçısı Aleksandr Qusev “bir neçə” pilotsuz təyyarənin məhv edilməsindən danışıb.
SBU-dakı bir mənbə "genişmiqyaslı yanğının qeydə alındığı" Saratov neft emalı zavoduna hücum barədə məlumat verdi. O, həmçinin bazar ertəsi axşam medianın yazdığı Bryansk kimya zavoduna hücum barədə məlumat verib.
Rusiya Müdafiə Nazirliyi Ukraynanın Bryansk bölgəsindəki hədəflərə ballistik raket zərbələri endirib. Müdafiə Nazirliyi Saratov, Engels, Kazan və Tulaya hücumlar barədə heç bir məlumat verməyib.
"Uçuşların təhlükəsizliyini təmin etmək məqsədilə" Kazan, Saratov, Tambov, Penza, Ulyanovsk, Nijnekamsk, İjevsk və Ufada hava limanlarının fəaliyyəti dron hücumu zamanı dayandırılıb.
Əziz Mustafa, Oxuməni.az
