ABŞ prezidenti Co Baydenin administrasiyası milli təhlükəsizliyi kibertəhlükələrdən qorumaq məqsədilə Çin və Rusiyadan “ağıllı” avtomobillərin, eləcə də müvafiq aparat və proqram təminatı həllərinin idxalına qadağa qoyub.
"Unikal" xəbər verir ki, bu barədə Ağ Evin saytında məlumat verilib.
Nəşr qeyd edir ki, qadağa ABŞ-ni Amerikanın kritik infrastrukturuna və ictimai təhlükəsizliyinə təhlükə yaratmaqda davam edən kibercasusluqdan və Çinin müdaxilə əməliyyatlarından qorumağa kömək edəcək.
"Ağıllı" avtomobillər Wi-Fi, Bluetooth, mobil və peyk rabitə modulları kimi İnternet üzərindən məlumat mübadiləsinə imkan verən sistemlərlə təchiz edilmiş nəqliyyat vasitələridir.
