Bu gün kişi voleybolçular arasında Azərbaycan çempionatında (Yüksək Liqa) 2024/2025 mövsümünün 5-ci turunun oyunları keçirilib.
Arena.az xəbər verir ki, turun hər üç oyunu eyni günə təsadüf edib və quruhesablı qələbə ilə başa çatıb.
Günün mərkəzi oyununda “Neftçi” “Murov”a üç setdə uduzub. Bu, liderin ardıcıl 5-ci qələbəsi olub.
Autsayderlər bu dəfə də 0:3 hesabı ilə uduzublar. “Xilasedici” MOİK-i, “Azərreyl” “Gənclər”i məğlub edib.
Qeyd edək ki, kişi voleybolçuların Yüksək Liqasında növbəti turun oyunları yanvarın 17-18-də keçiriləcək.
Yüksək Liqa
5-ci tur
14 yanvar
“Gənclər” – “Azərreyl” 0:3 (16:25, 6:25, 13:25)
Sumqayıt Olimpiya İdman Kompleksi.
“Xilasedici” – MOİK 3:0 (25:14, 25:22, 25:14)
Fövqəladə Hallar Nazirliyinin idman zalı.
“Neftçi” – “Murov” 0:3 (18:25, 18:25, 21:25)
Gənclər və İdman Nazirliyinin Voleybol Mərkəzi.
Xallar: Murov – 15. Xilasedici – 12. Azərreyl – 10. Neftçi – 8. Gənclər – 0. MOİK – 0.
