Qəzza zolağında döyüşlərdə iştirak edən İsrail ordusunun (IDF) 200-ə yaxın əsgəri atəşkəsə çağıran məktub imzalayıb. Hərbçilər qərarlarını xüsusilə “etik sərhədləri pozan” əmrlərlə razılaşmamaları ilə izah ediblər.
Editor.az xəbər verir ki, bu barədə “Associated Press” xəbər verir. İmzalayanlardan biri də 2023-cü ilin noyabrından zirehli korpusda zabit kimi xidmət edən İsrail hərbi zabiti Yotam Vilkdir. Əsgər deyib ki, o, əvvəlcə güc tətbiqinin HƏMAS-ı danışıqlar masasına oturmağa məcbur edə biləcəyini düşünüb, lakin “müharibə uzanıb”.
Yotam Vilk bildirib ki, məktubu imzalamaq qərarına ən böyük təsir yeniyetmənin ölümü olub. “O, daha böyük bir hekayənin bir hissəsi kimi öldü. Bizi fələstinliləri insan kimi qəbul etməməyə məcbur edən siyasətin bir hissəsi kimi”, – AP onun sözlərindən sitat gətirir.
//Samir Qurbanov, Editor.az
