Elm adamları və arxeoloqlar müxtəlif xüsusiyyətlərinə görə dünyada 5 cəhənnəm qapısı müəyyən ediblər.
News24.az sözcü-yə istinadən dünyadakı cəhənnəmin 5 qapısını təqdim edir:
Əhdi-Cədiddə "cəhənnəm" olaraq xatırlanan Gehenna, Qüdsün köhnə divarlarının kənarındakı Hinnom vadisinin adından gəlir. Qədim israillilər övladlarını burada Ammon tanrısı Moloka qurban verirdilər. Bu dəhşətli rituallar yəhudi və xristian teologiyasında cəhənnəm anlayışının “cəhənnəm odu” obrazını ilham verib.
Əhdi-Cədid alimi Bart Ehrmanın fikrincə, o zaman bədəni hörmətsizliklə yandırmaq ölümdən sonra ən ağır cəza hesab olunurdu. Bu mənada Gehenna “yer üzündəki cəhənnəm” kimi tanınır.
Orta əsrlərdə Hekla vulkanı xristian inancına görə cəhənnəmin qapılarından biri hesab olunurdu. Adını davamlı olaraq zirvəsini örtən “pələbəbənzər” buludlardan alan Hekla, 1104-cü ildə kütləvi püskürməsi ilə qorxuları daha da artırdı. Bu partlayış o qədər güclü idi ki, İslandiyanın yarısı kül və daşla örtülmüşdü.
16-cı əsrdə alman alimi Kaspar Peuser Heklanı “cəhənnəm dibsiz çuxuru” kimi təsvir etmişdir. Lava axını və vulkanın altındakı partlayışlar ona "cəhənnəm çuxuru" adını qazandırdı.
Maya ilahiyyatına görə, cəhənnəmə "Xibalba" adlanan girişlərdən biri Belizdəki bu mağarada yerləşirdi. Mağara dörd yaşındakı uşaqlardan tutmuş insan qalıqları ilə doludur.
Arxeoloqların fikrincə, bu qurbanlar Maya İmperiyasının dağılması zamanı quraqlıq zamanı tanrıları sakitləşdirmək üçün təklif edilib. Məlumdur ki, Xibalba qan, əqrəb çayları və cinlərlə dolu labirint kimi təsvir edilib.
Eyni zamanda, İrlandiyanın şimal-qərbində yerləşən Station Island bir vaxtlar məlum dünyanın sonu hesab olunurdu. Rəvayətə görə, İsa Müqəddəs Peterdəki bu mağaraya baş çəkib. O, bunu Patrikə göstərib və ona xristianlığı yaymaq üçün xəbərdarlıq kimi istifadə etməsini söyləyib.
Qədim Yunanıstanın müqəddəs şəhərlərindən biri olan Hierapolis həm fiziki, həm də məcazi cəhətdən ölüm qapısı olub. Pamukkaledə, bugünkü Türkiyə sərhədləri içərisində yerləşən bu şəhərdəki "Pluton qapısı" heyvan qurbanlarının aparıldığı mağaraya açılıb. Qədim filosof Strabonun bizə söylədiklərinə görə, bu mağaradan çıxan zəhərli qazlar heyvanları anında öldürür.
Belə ki, 2013-cü ildə aparılan arxeoloji qazıntılar zamanı bu “Şeytan məbədi”nin həqiqətən də mövcud olduğu aşkar edilib. Mağaranın altındakı termal bulaqlardan ayrılan karbon qazı xırda heyvanların ölümünə səbəb olacaq qədər sıxdır.
Günel Məlikzadə
