Bakı, 15 yanvar, AZƏRTAC
2024-cü ildə neft-kondensat hasilatı 29,1 milyon ton, ixraca nəql edilən həcmlər isə 24,4 milyon ton olub. Ötən il 2023-cü illə müqayisədə 2 milyard kubmetr artımla 50,3 milyard kubmetr qaz hasil edilib. 25,2 milyard kubmetr qaz isə ixrac olunub.
AZƏRTAC xəbər verir ki, bu barədə energetika naziri Pərviz Şahbazov məlumat verib.
“Ötən ilin yanvar - dekabr aylarında təxminən Avropaya 12,9 milyard kubmetr, Türkiyəyə 9,9 milyard kubmetr, Gürcüstana isə 2,4 milyard kubmetr qaz ixrac olunub. Bu dövrdə TANAP-la Türkiyəyə 5,6 milyard kubmetr qaz nəql edilib. Ötən il xaricə qaz satışı 2023-cü illə müqayisədə təqribən 5,8 faiz çoxdur”, - deyə nazir qeyd edib.
