Tanzaniyada Marburq qızdırmasına yoluxmuş doqquz nəfərdən səkkizi ölüb.
“Report” xəbər verir ki, bu barədə “Reuters” agentliyi Ümumdünya Səhiyyə Təşkilatına (ÜST) istinadən məlumat yayıb.
ÜST Tanzaniyada və regional səviyyədə virusun daha da yayılması riskini yüksək qiymətləndirir. Bu, Ruanda, Uqanda, Burundi və Konqo Demokratik Respublikası ilə nəqliyyat marşrutlarının kəsişməsində yerləşən Kaqera bölgəsinin coğrafi mövqeyindən irəli gəlir.
