İspaniya Superkubokunun final matçında "Barselona"ya 2:5 hesabı ilə məğlub olan "Real"ın prezideti Florentino Peres komandanın uğursuzluğunun səbəbkarlarını tapıb.
Publika.az xəbər verir ki, üç futbolçu ispaniyalı funksionerin "qara siyahı"sına düşüb. Söhbət Lukas Vaskes, Orelyen Çuameni və Ferland Mendidən gedir. Florentino adları çəkilən oyunların çıxışından tamamilə məyusdur. Onları klubdan ayrılmalı olan futbolçular siyahısına əlavə edib.
Qeyd edək ki, Peresin komandanın lideri hesab edilən Vinisius Juniordan da narazı qaldığı və braziliyalının da günahkarlar sırasında olduğu bildirilir.
