Bu gündən etibarən İnstagram və Facebook sosial şəbəkələrində məzmun yaradıcıları tərəfindən hazırlanmış 2 milyondan çox gözəllik filtri silinir.
Bakıvaxtı.az bu barədə xarici mediaya istiandla xəbər verir.
Məlumata görə, Meta, 14 yanvar 2025-ci il tarixindən etibarən Meta Spark platformasını bağlayacağını və Instagram və Facebook-da istifadə edilən gözəllik filtrlərini tamamilə siləcəyini açıqladı.
Bununla belə, Meta özü tərəfindən hazırlanmış 140 rəsmi filtrdən istifadənin davam edəcəyini söylədi.
Şirkət bu qərarı daha yüksək prioritet məhsullara və texnologiyalara diqqət yetirmək üçün verdiyini açıqladı. Bu prosesdə yeni cihazları, xüsusən də artırılmış reallığa əsaslanan Orion AR eynəklərini vurğulamaq məqsədi daşıyır.
Nuriyyə Musayeva
