Kaliforniyada genişmiqyaslı meşə yanğınları nəticəsində ölənlərin sayı 25 nəfərə çatıb.
“Report” xəbər verir ki, bu barədə CNN telekanalı məlumat yayıb.
Güclü küləklər Los-Ancelesdə yanğınlarla mübarizəni çətinləşdirir.
Meteoroloqların proqnozlarına görə, bu gün küləyin sürəti 24 m/s-ə çata bilər ki, bu da yanğınların güclənməsinə və yeni yanğın ocaqlarının yaranmasına səbəb ola bilər.
Cümə axşamı küləyin zəifləyəcəyi və sürətinin 13,4 m/s-dən çox olmayacağı gözlənilir.
