Almaniya Ukraynaya yeni hərbi yardım paketini elan edib.
Almaniya Müdafiə Nazirliyinin məlumatına görə, bura – “RCH 155” özüyeriyən haubitsalar, “RCT-30 Boxer” təkərli piyada döyüş maşınları, yüzlərlə hücum pilotsuz təyyarələri və “Marder” piyada döyüş maşınları daxil olacaq.
Yeni hərbi yardım paketinə daxil olan silahların tam siyahısı aşağıdakı kimidir:
- 9 ədəd “RCT-30 Boxer” əkərli piyada döyüş maşını;
- 18 ədəd “RCH 155” özüyeriyən artilleriya qurğusu;
- 5 “Marder” piyada döyüş maşını;
- 600 ədəd “HF-1” hücum dronları;
- 50 ədəd “VEKTOR” kəşfiyyat aparatı;
- 46 ədəd “RQ-35 HEIDRUN” kəşfiyyat aparatı;
- 43 ədəd “SONGBIRD” kəşfiyyat aparatı;
- 11 min ədəd 120 mm-lik minaatan mərmisi;
- turniketlər, sahə eynəkləri və yun yorğanlar.
Almaniya Müdafiə Nazirliyi xatırladıb ki, Rusiyanın genişmiqyaslı işğalı başlayandan bəri Berlin Bundesver anbarlarından Ukraynaya ümumilikdə təxminən 5,2 milyard avro dəyərində hərbi yardım köçürüb. Bundan əlavə, 10 mindən çox ukraynalı əsgər Almaniyada hərbi təlim keçib.
“AzPolitika.info”
