1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gələcək nəsillər bu günün qürurunu uzun müddət yaşadacaqlar.
Oxu.Az "Report"a istinadla xəbər verir ki, bunu Xocalı sakini Nurlan Həsənov deyib.
O, digər həmyerliləri kimi, doğma yurda qayıdışın sevincini yaşadığını vurğulayıb:
"İşğal dövründə yaşayış yerimizi bir neçə dəfə dəyişməli olsaq da, yekunda Gəncə şəhərində məskunlaşdıq. Doğma kəndimizə də Gəncədən köçürük. Bütün həmyerlilərim kimi mənim də sevincimin həddi-hüdudu yoxdur.
Başda Ali Baş Komandan olmaqla, bu xoş və qürurlu günləri bizə yaşadan hər bir kəsə dərin minnətdarlığımı bildirirəm, şəhidlərimizin ruhu qarşısında baş əyirəm.
Doğma yurda dönməyin sevincini indi necə yaşayırıqsa, bizdən sonra gələn nəsillər də bu günün qürur və sevincini yaşatmalıdırlar".
